Нисон и Фајнс во "Борба на титаните"

Лијам Нисон и Рејф Фајнс ќе играат завојувани богови во "Борбата на титаните", епски филм што ќе почне да се снима кон крајот на месецот

ЛОС АНЏЕЛЕС (Холивуд рипортер) - Лијам Нисон и Рејф Фајнс ќе играат завојувани богови во "Борбата на титаните", епски филм што ќе почне да се снима кон крајот на месецот.
Нисон ќе го игра Зевс, мудриот, но понекогаш раздразлив бог на боговите и татко на Персеј (Сем Вотрингтон). Фајнс ќе го игра Хад, господарот на подземјето кој сака да го симне Зевс од тронот и да завладее со светот.
Режисер на филмот ќе биде Луј Летерие а по сценарио на Лоренс Касдан ќе се снима во Велика Британија.
Ова ќе биде прв ангажман на Нисон по смртта на неговата сопруга Наташа Ричардсон, која загина во несреќа при скијање. Ангажамнот бил договорен уште пред да се случи несреќата. Тилерот "Земено" во кој Нисон ја игра главната улога стана неочекуван хит со заработка од речиси 140 милиони долари во САД.