Ев­роп­ско чергиче

На одмор сум. Ама имав ентузијазам дека ќе го напишам "Сакам да ка­жам" оддалеку. И секоја вечер си ја арчев на Интернет. Барав интересни вес­ти од Македонија. Па кога ме фати очај, си протарашкав по сопс­тве­на­та архива. Да видам што сум пишувал во јули и во август изминатите дваесет го­ди­ни...Пишува Горан Михајловски

Еј, драги мои, дваесет години во Македонија ништо не се случува. Затоа од­лу­чив да ви дадам едно ретро "Сакам да кажам". Почнувам од јули 1997 го­ди­на, кога сме биле на прагот на ЕУ. Завршувам со август 2002, кога се бараше идиотот од корумпираните во Владата.
Не­кои имиња може само да замените. Но ако имињата ги гледате според пар­ти­ска припадност, сe ќе би биде исто. Дваесет години ништо не се ме­ну­ва. Само ние остаревме.

19 ју­ли 1997
"Не­ма место за разочарување туку за реалност", вели министерот за над­во­реш­ни работи Благој Ханџиски, коментирајќи ја одлуката на Европската ко­ми­си­ја во својата "Агенда 2000" да не ја спомене ни буквата "М" од на­ша­та држава, кога станува збор за проширувањето на Европската унија.
Не­ма место за разочарување туку за реалност. Европската унија по­ка­ни на преговори десет земји од Источна и од Средна Европа, а Ма­ке­до­ни­ја ја заборави, заедно со Албанија и СР Југославија. Разочарувањето би мо­же­ло да дојде подоцна. На пример, кога ќе патуваме за Бугарија со шен­ген­ска виза.
Не­ма место за разочарување затоа што, и покрај сe, нас Европа нe са­ка. Скоро исто колку НАТО. Ни признаваат дека сме подобри од дру­ги­те, нe удираат по рамо, ама ни викаат да ги сфатиме оти такви биле по­ли­тич­ки­те прилики, па нe бодрат да попричекаме некој друг круг за про­ши­ру­ва­ње. Првиот круг го пропуштивме, за вториот, очигледно, не нe есапат за жи­ви.. . Белки ќе дочекаме нешто во деветтиот круг.
Не­ма место за разочарување. Нам сите ни ја признаваат европската ори­ен­та­ци­ја. И постојано нe тешат дека вратата за членство во НАТО и во ЕУ е отворена. Само треба да се пречекори прагот. Бидејќи многу сме нап­ред­на­ле и со демократските реформи, и со пазарната економија, и со при­ва­ти­за­ци­ја­та, веќе сме на прагот на Европа. Таму каде што обично стои чер­ги­че­то за бришење чевли.
Не­ма место за разочарување. Туку за реалност. Реалноста е раз­о­ча­ру­вач­ка. Македонија е чергичето на Европа.

11 ју­ли 1998
Пов­тор­но е актуализирана идејата за трамвај во Скопје. Додека сите свет­ски метрополи размислуваат за супербрзи возови и за надземни железници на една шина, ние сонуваме за превозно средство од минатото. Со трамвај од 19 век, ќе се исклацкаме во 21 век.

4 ав­густ 2000
Ту­ку, се сеќава ли некој на Бранко Црвенковски? Го немаше во Пар­ла­мен­тот, ни збор не му слушнавме за новата влада, за Законот за високо об­ра­зо­ва­ние, за реформата на државната управа. Помина Галичката свадба, а Бран­ко не се качи на тапан. Помина и Илинден, а наместо Бранко, се по­ја­ви Шеќеринска.
Му станало жешко на Бранко, па си бара дебела ладовина. Сигурно тргнал по шумите да ги лови паравојските кои му ги јавуваат општинските ко­ми­те­ти. И така, ловејќи, легнал под некое дрво. Уште ја прави владата во сен­ка.

21 ју­ли 2001
Кој­знае колку Европа е збунета од нас. За Америка, пак, ич да не правиме му­а­бет. Во ниедна шема не им се вклопуваме. Луда држава.
Во Македонија воопшто не е лесно да си луд. Има преголема кон­ку­рен­ци­ја.

17 ав­густ 2002
Ма­ке­до­ни­ја не е само библиска земја. Македонија е и мистериозна земја. Се шетаат неидентификувани типови.
Се сеќавате дека пред четири години, кога на Бранко му пукна аферата со ок­то­по­дот, некој мистериозен министер во тренерки со вреќи ги изнел па­ри­те од ТАТ. Бранко уште ги бара тренерките.
Се­га и околу Љубчо има мистерии. Меѓународната кризна група вели дека до­го­во­рот за продажба на "Окта" мора да го склучил или идиот или ко­рум­пи­ран владин службеник.
Спо­ред романот на Артур Кларк, Кјубрик го сними филмот "Одисеја 2001". Се­га, според извештајот на Меѓународната кризна група, во Македонија ќе иг­ра филмот "Одисеја 2002".
Мис­те­ри­ја­та ќе биде разрешена ако се најде кој го потпишал договорот со "Окта". Ако бараат само корумпиран во Владата, тешко ќе го препознаат. За­тоа, нека го бараат идиотот меѓу корумпираните.