СОВЕТОТ ЗА РАДИОДИФУЗИЈА

Хрватската "Но­ва ТВ" ќе се исклучи

Штом ќе го добијат писменото известување од Советот за ра­ди­о­ди­фу­зи­ја, телевизиските оператори ќе ги исклучат ТВ Нова од Хрватска и ОБН од Босна и Херцеговина, зашто ги немаат обезбедено соодветните ав­тор­ски права за нивно реемитување во Македонија

Со­ве­тот за радиодифузија вчера побара од кабелските оператори од ИП те­ле­ви­зис­ки­те оператори да го прекинат реемитувањето на програмските сер­ви­си на ТВ Нова од Хрватска и ОБН од Босна и Херцеговина поради тоа што ги немаат обезбедено соодветните авторски права за нивно ре­е­ми­ту­ва­ње во Македонија.
Во Советот велат дека ова решение било донесено по обемните преговори со операторите на јавните комуникациски мрежи во Македонија и по кон­сул­та­ци­и­те со ТВ Нова и ОБН.
"И покрај изразената добра волја од Советот за радиодифузија, и по сите до­пол­ни­тел­ни рокови, операторите не доставија договори со уредени ав­тор­ски права за реемитување на овие програмски сервиси. Советот за ра­ди­о­ди­фу­зи­ја го спроведува Законот за радиодифузната дејност во делот за заштита на авторските и сродните права. Во моментот кога опе­ра­то­ри­те на јавните комуникациски мрежи до нас ќе достават документ за уре­де­ни авторски права, ние веднаш овие канали ќе ги регистрираме во нивниот па­кет", вели Зоран Стефановски, директор на Советот за радиодифузија.
Ка­бел­ски­те оператори и "Македонски телеком" вчера изјавија дека ќе ја по­чи­ту­ва­ат одлуката на Советот.
"Че­ка­ме официјално да добиеме известување и штом ќе го добиеме, вед­наш ќе постапиме по барањето на Советот", велат операторите.
До­кол­ку телевизиските канали не бидат исклучени, Пазаришната ин­спек­ци­ја може да поднесе прекршочна пријава. Во Советот за радиодифузија ве­лат дека постапка против операторите можат да поведат и тие.
Спо­ред Законот за радиодифузната дејност, член 109, операторите на јав­ни­те комуникациски мрежи се должни да ги уредат авторските права за ре­е­ми­ту­ва­ње на програмските сервиси, без разлика дали станува збор за ана­лог­но или за дигитално реемитување, за да ги регистрира Советот нив­ни­те програмски пакети, и тие легално да можат да бидат реемитувани на те­ри­то­ри­ја­та на Македонија. (Р.Ф.)