СРЕ­ЌА ВО НЕСРЕЌА НА ПАТОТ ПРОБИШТИП - КРУПИШТЕ

Ис­пад­нал и се спасил од превртен автомобил кој експлодирал

Тешко повредениот Јосифов и самиот се чуди како останал жив од толку превртувања на возилото кое експлодирало и за неколку минути це­лос­но изгорело

Ван­чо Јосифов (32) од селото Подлог, Кочанско, со неговиот автомобил "рено 19", зав­че­ра, на патот Пробиштип - Крупиште,се превртел неколку пати, по што автомобилот експлодирал и се запалил, но тој при превртувањето, ус­пе­ал да излезе од колата и да се спаси. Ванчо бил сам во ав­то­мо­би­лот и се враќал дома кон селото Подлог. Десетина минути по нес­ре­ќа­та, на патот поминал автомобил "застава 101", па патниците кога ви­де­ле што се случило, му помогнале на повредениот кој бил онесвестен, и веднаш го однеле во Штипската болница. Лекарите утврдиле скршени 4 реб­ра и други помали повреди по рацете, нозете и по главата .
"Мис­лам дека се превртев 4 пати со автомобилот. Како дојде до тоа, и самиот не знам. Знам дека мојот автомобил наеднаш почна да се пре­вр­ту­ва Во еден момент испаднав од возилото. Сигурен сум дека тоа и ме спа­си да останам жив. Удрив на асфалтот, но видов како 'реното' уште ед­наш се преврте и наеднаш експлодира. Ако сум останел во автомобилот, ќе сум изгорел и јас", вели Јосифов, кој закрепнува во Штипска болница и е вон животна опасност.
Ј.Т.