ВО ОКОЛИНАТА НА НЕГОТИНО

Ис­чез­на­ти­от неготинец пронајден мртов

Во саботата попладне, во областа Куријски Пат, било пронајдено телото на седумдесетгодишниот Стојан Маркушев. По исчезнатиот човек се тра­га­ше уште на почетокот на минатиот месец, кога тој излегол од дома да си ја подигне пензијата, и веќе не се вратил назад. Телото случајно го за­бе­ле­жал овчар и веднаш ја известил полицијата. Од таму ни ја потврдија вес­та за пронаоѓањето на трупот кој е во распаѓање, а по увидот те­ло­то беше пратено на обдукција во Институтот за судска медицина во Скоп­је каде што ќе се утврдуваат причините за смртта на Маркушев.
Спо­ред полицијата, смртта сигурно настапила пред околу еден месец би­деј­ќи телото е во доста лоша состојба, односно поради долгиот период ми­нат под отворено небо, останал само скелетот. Сепак, тие не можеа да ни да­дат повеќе информации за тоа што точно се случило бидејќи се чекаат ре­зул­та­ти­те од обдукцијата. (В.К.)