БРИСЕЛ МУ ПОСТАВИ НОВ УСЛОВ ЗА ГРУЕВСКИ

Тргни го Маневски!

Најголема реформа на судството ќе биде смената на министерот за правда Ми­хај­ло Маневски, го убедувале премиерот Груевски западни дипломати, опо­ме­ну­вај­ќи го дека најкатастрофален ќе биде извештајот на Европската комисија токму за состојбите во судството.

За­пад­ни дипломати во Скопје му испратиле порака на премиерот Никола Груевски што поскоро да го смени министерот за правда Михајло Маневски поради не­ус­пеш­ни судски реформи. Извесно било дека Македонија најострите критики во го­диш­ни­от извештај од ЕУ наесен ќе ги заработи поради партизацијата на судската власт, ве­лат дипломатски извори. Дипломатите сметале дека Маневски три години прави са­мо козметички, а не суштински реформи во судството, и поради тоа треба да се вне­се свежа крв во тој ресор.
"Нај­го­ле­ма реформа во судството е да го смените министерот Маневски", го убе­ду­ва­ле европските дипломати премиерот Никола Груевски.
Ис­ти­те извори откриваат дека веќе се разработувале начините за достоинствено ис­пра­ќа­ње на Маневски во пензија. Во опција се повеќе решенија, но засега нај­без­бол­ното би било ресорот Правда да му се даде на коалицискиот партнер ДУИ. Со тоа ќе се спаси образот на Маневски, а на негово место ДУИ мести угледен уни­вер­зи­тет­ски професор по право.
Про­цен­а­та на дипломатите била дека по аферата со задоцнетото пензионирање на соп­ру­га­та Филимена Маневска и аферата со пензијата, министерот Маневски повеќе не­ма кредибилитет да ги води судските реформи. Во секоја европска земја ми­нис­те­рот за правда треба да биде синоним за правда, а Маневски со вакви афери не го ужи­ва тој рејтинг. Како потврда за тоа били анкетата на ИРИ каде што Маневски ужива нај­мал рејтинг кај граѓаните во однос на другите министри.
Гру­ев­ски не сакал да го смени Маневски во минатата реконструкција за да го заш­ти­ти неговото достоинство. Наводно, сметал дека ако тој си замине со дамката од пос­лед­ни­те афери со жена му и со пензијата, тоа нема да биде соодветно на неговиот до­се­га­шен придонес и кариера. Затоа во Владата барале начин на кој елегантно Ма­нев­ски би си заминал во пензија, и најбезболен изговор за тоа е трампата на ре­со­ри­те со ДУИ. Значи, нема да го сменат туку ДУИ ќе го земе неговото место.
Ос­вен тоа, негативно ја оценувале неговата досегашна работа. Сите крупни проекти кои ги започнал, не ги довршил. Извршувањето постојано се одлага, медијацијата уш­те не ни почната, а затворот "Идризово", поради кој Македонија беше жестоко кри­ти­ку­ва­на за лошите услови за затворениците, и покрај тоа што има пари, многу бав­но се гради.
Со името на Маневски странците ја врзуваат и партизацијата на судството, но дека ис­та­та шема сакал да ја наметне и во Обвинителството. Сериозни забелешки има и за измените на Законот за кривичната постапка, кои не се прават паралелно со из­ме­ни­те на Кривичниот законик.
ЕУ има забелешки и на заострување на казнената политика, која предвидува дра­кон­ски казни, место да се работи на превенција на криминалот. Во една пригода, поради вак­ва­та политика Македонија била споредена со Северна Кореја. Н.С.