НО­ВИ­ОТ ГРАДОНАЧАЛНИК НА КАРБИНЦИ НА ВЕЛИГДЕН ЈА СЛА­ВИ ИЗБОРНАТА ПОБЕДА

Бик на ражен за Груевски

Денеска во кругот на Општината ќе биде ископана дупка, дла­бо­ка и широка неколку метри, во која ќе биде поставен бикот на ражен, а прет­ход­но ќе биде направен специјален жар, за што ќе се потрошат 5-6 ку­би­ци дрва

Во кругот на Општината Карбинци в недела претпладне на ражен ќе би­де ставен бик тежок 400 килограми. Бикот ќе се пече најмалку 24 часа, од­нос­но до пладне наредниот ден в понеделник, кога се планира да за­поч­не спектакуларната велигденска веселба, која ја организира новиот гра­до­на­чал­ник на оваа општина Васил Богдански. Тој ги кани сите граѓани на Оп­шти­на­та Карбинци на заедничка прослава, а специјална покана упа­тил и до премиерот Никола Груевски и до неговите најблиски со­ра­бот­ни­ци.
"Ова го правам во чест на големиот христијански празник и големата по­бе­да на локалните избори. По 12 години владеење на СДСМ, конечно, Оп­шти­на­та Карбинци доби градоначалник од ВМРО-ДПМНЕ. Денеска ќе би­де ископана посебна дупка, длабока и широка неколку метри, во која ќе би­де поставен бикот на ражен. Претходно ќе биде направен специјален жар, за што ќе се потрошат 5-6 кубици дрва", вели Богдански.
"Би­кот и другиот мастраф за велигденската софра, што сe заедно чини око­лу 1.000 евра, ги обезбедувам од свои лични средства. Денеска бикот, сопс­тве­ност на еден сточар од планинските плачковички села, ќе биде тран­спор­ти­ран до селото Карбинци. За раженот ќе биде задолжена спе­ци­јал­на екипа од Свети Николе. Прославата ќе биде проследена и со богата кул­тур­но-уметничка програма", задоволно најавува градоначалникот на Оп­шти­на­та Карбинци Васил Богдански. Т.Јовановски