НАЈТРОФЕЈНИОТ МАКЕДОНСКИ БОКСЕР ВЕЛИ МУМИН ВО БРАЧНА КРИЗА

Љубовта ме остави пред свадба

Мумин летово требаше да ја донесе сопругата Маја, мис фитнес на Бугарија од 2002 го­ди­на, во Македонија, на уште една свадба во Скопје, како реприза на софиската од пред една година, ама сега вели дека Маја му е лута

Нај­тро­феј­ни­от македонски боксер Вели Мумин се наоѓа на прагот на развод со Бу­гар­ка­та Маја Полинска, со која се ожени пред една година.
"Ми се исполни една од најголемите животни желби, а тоа беше да се оженам со Маја, и пресреќен сум што ќе го минам остатокот од животот со неа. Паднав на нејзината уба­ви­на и се засакавме уште од првиот момент кога се запознавме во автобус, на пат за Истанбул", вака тогаш за "Вест" ги опиша своите чувства Вели Мумин.
По­пу­лар­ни­от Џебен Херкулес, кој интензивно тренира во Скопје за претстојниот "Зла­тен гонг" и не се видел со сопругата три месеци, од Светското првенство во Ита­ли­ја, вели дека се скарани, а во декември ќе отпатува во Бугарија за да се обиде да го спаси едногодишниот брак.
"Не сум официјално разведен, ама натаму оди работава. Скаран сум со Маја, и си­ту­а­ци­ја­та е комплицирана, а најголема причина е моето постојано отсуство зашто имам про­фе­си­о­нал­ни­ обврски. По 'Гонгот' ќе одам во Софија за да се обидам да спа­сам, ако може нешто да се спаси. Првин да видам што е побарувачката, а засега е важ­но што јас уште ја сакам", изјави 29-годишниот Мумин.
Тој летово требаше да ја донесе Маја во Македонија каде што најавуваше уште една свад­ба, како реприза на софиската од пред една година. Тогаш тој рече дека со Маја пла­ни­ра­ат деца да прават во Скопје, но плановите сега паѓаат во сенка на ка­ра­ни­ца­та со мис фитнес на Бугарија од 2002 година.
"Во никој случај нема да прифатам да се преселам во Бугарија. Тука е целиот мој жи­вот, но сметам дека тоа не е некој проблем бидејќи и Маја, уште од почетокот на на­ша­та врска, сакаше да живее тука", вели Мумин.
Двок­рат­ни­от освојувач на европската бронза кој, истовремено, настапува и за ЦСКА во бу­гар­ска­та лига, како најсилен адут во обидот да го воскресне бракот го има од­лич­ни­от однос со родителите на Маја. Тие го засакале уште кога првпат им стапнал во домот, а по неколку месеци, бабата почнала да го пречекува со тавче-гравче и со дру­ги македонски специјалитети, а дедото веќе научил по некој македонски збор, за да мо­же полесно да комуницира со зетот.
"Со нејзините имам супер однос. Кога и да престојував таму, ме третираа како син. Што се однесува до неверствата, јас сум чист. Е, сега, од кај да знам, може Маја се сом­не­ва бидејќи бев отсутен подолго време, знаете какви се жените", додаде Мумин, кој пред неколку дена доби нова четиригодишна стипендија од Агенцијата за млади и спорт, што значи уште 30.000 евра месечно за да може да се подготвува за наредната Олим­пи­ја­да.
Ак­ту­ел­ни­от Спортист на годината сe уште е во истиот стан во Автокоманда, и тоа под
ки­ри­ја, и покрај трофејната 15-годишна кариера. Една од причините што не се решава да се пресели во Бугарија, и покрај тоа што таму има подобри професионални услови, е бидејќи целото негово осумчлено семејство сe уште во голема мера финансиски за­ви­си од неговите тупаници. (Н.П)