Срамотилак

Мермерната скулптура "Жена со гитара" на кеј 13 Ноември веќе неколку дена е срамно нагрдена. Скопјани минувајќи покрај неа коментираат дека вандалите $ додале женски полов орган на жената со гитара. Муабетот се пренесува од едни на други, па вчера само во рок од половина час дојдоа еден куп луѓе да видат како е нагрдена скулптурата.
Од Општина Центар на чија територија се скулптурите, велат дека за нивното одржување, исто како и за нивното поставување е надлежно Министерството за култура. Од таму велат оти досега не забележале дека скулптурата е нагрдена и најавија дека ќе дојдат да ја исчистат.
Скулптурата е на авторот Синиша Новески. Министерството за култура ја постави во април годинава.
(С.Т.)
Фото: Г.Чочков