ЗА НАПИСИ ВО МЕДИУМИТЕ ЗА СОМНИТЕЛНИ ЗДЕЛКИ

Тетовската фирма "Еколог" доби судски процес во Германија

Апелациониот суд во Хамбург, Германија, му издал забрана на германскиот весник "Норддојчен Рудфунк" (НДР) повеќе да не се сомнева во работењето на тетовската фирма "Еколог Аг"и повеќе да не пишува против семејството на основачот на претпријатието дека тие и фирмата се заплеткани во организиран криминал.
"Ние се радуваме што нашата доверба во правната држава се потврди и што Апелациониот суд на Хамбург му ги забрани на НДР овие изразувања на сомнеж. По ваквата одлука фирмата до надлежниот суд во Германија деновиве ќе покрене барање за надомест на штета за повреда на честа и угледот на компанијата што ни беше нанесена со текстот што беше објавен во весникот", ни изјави вчера во телефонскиот разговор Лумри Беџети, еден од менаџерите во фирмата "Еколог".
На 26 февруари годинава, во весникот беше објавено дека фирмата "Еколог АГ" должностите за мисијата ИСАФ во Авганистан ги злоупотребила за нелегални активности, меѓу кои и за трговија со дрога. Ваквото тврдење ја крена компанијата на нозе која побара судска заштита. (П.А.Л.)