АМЕРИКАНСКИОТ АМБАСАДОР РЕЧЕ ДЕКА ВЛАДАТА СЕ МЕША ВО СУДС­ТВО­ТО

Рикер му удри шлаканица на Маневски

"Гле­да­ме анкети во кои македонските граѓани велат дека немаат доверба во суд­ски­те институции во Македонија. Со тоа се попречува економскиот прогрес на државата. Ме­ша­ње­то на Владата во поединечни судски случаи може да предизвика страв кај гра­ѓа­ни­те, како и нивни сомнежи во однос на судските процеси", изјави вчера ам­ба­са­до­рот на САД Филип Рикер.
Тој истакна колку е важно да има независно судство во Македонија. Според него, су­ди­и­те треба слободно да си ја вршат судската функција и не треба да се плашат од пос­ле­ди­ци.
"Тран­спа­рен­тнос­та на судовите е многу важна. Со неа се воспоставува довербата на гра­ѓа­ни­те. Важно е на веб сајтовите да се објавуваат сите пресуди, а не само се­лек­тив­но. Информатичката технологија многу помага во тоа", рече Рикер, кој препорача на веб сајт неселективно да се објавуваат и одлуките на Судскиот совет.
Ака­де­ми­ја­та за обука на судии и јавни обвинители, потсети тој, е одговорна за вос­пос­та­ву­ва­ње на една култура на владеење на правото, што е многу важно за ев­ро­ин­тег­ра­ци­и­те на Македонија.
"САД го поддржуваат македонското правосудство, како што американскиот народ, во континуитет, го поддржува македонскиот народ", потенцираше Рикер во Ака­де­ми­ја­та за судии и обвинители.
Ака­де­ми­ја­та вчера го промовираше својот веб портал, софтверско решение на "Мај­кро­софт". (С. К. Д.)

Маневски: До лани судиите не знаеја да работат на компјутер

"До пред една година две третини од судиите не знаеја да работат на компјутер. Сега таа бројка се сведе само на еден до два отсто судии, и тоа се оние што за некој месец ќе заминат во пензија. Над 600 судии поминаа компјутерска обука, во тек е набавка на но­ви 450 компјутери за во судовите", рече вчера министерот за правда Михајло Ма­нев­ски, заблагодарувајќи му се на амбасадорот на САД Филип Рикер за помошта и пос­ве­те­нос­та на неговата држава, особено во воведувањето на информатичката тех­но­ло­ги­ја во судството во Македонија.
За министерот е успех и што се воведе дури сега Интернет во судовите, па и тоа го по­тен­ци­ра­ше како реформа во судството.